Heiti fyrirlesturs: Öflug starfsemi Borgarleikhússins
Fyrirlesari fundarins er: Brynhildur Guðjónsdóttir
Brynhildur er leikhússtjóri Borgarleikhússins og jafnframt félagi í Rótarýklúbbi Reykjavíkur.
Hún sló heldur betur sem veislustjóri á lokahófi umdæmisþingsins um síðustu helgi og mun örugglega segja frá leikhússtarfinu á líflega hátt.
Brynhildur Guðjónsdóttir var ráðin leikhússtjóri Borgarleikhússins nokkrum dögum áður en Covid skall á með sínum samkomutakmörkunum. Hún hefur nú verið endurráðin til næstu fjögurra ára. Leikhúsið hefur blómstrað undir hennar stjórn. Hún segir okkur frá starfseminni og þeim áskorunum sem leikhúsrekstur er á Íslandi, ásamt því helsta sem er á döfinni í vetur.
Alþjóðlegur dagur Polio Plus
24. október er alþjóðlegur dagur Polio Plus og alþjóðaforseti hvetur klúbba til að gera deginum skil til að minna á baráttuna gegn lömunarveiki.
Við hveðjum klúbbfélaga til að gefa í Rótarýsjóðinn - til Polio Plus verkefnisins. Gaman væri ef allir félagar gæfu eitthvað!
Nú er hlmingur félagsmanna með persónulegan aðgang að MyRotary, sem er betra en landsmeðaltal, en við stefnum á að allir hafi aðgang og allir gefi eitthvað til báráttunnar gegn lömunarveiki í ár.
Kynningarnefndin er tilbúin til að aðstoða klúbbfélaga sem lenda í vanda að skrá sig inn hjá RI á https://my.rotary.org
Fundarefnið er í umsjá kynningarnefndar.
